晒何超蓮會計碩士證書　竇驍竟然大叫唔好？

已故賭王何鴻燊嘅三房千金何超蓮有樣有學識，早年畢業於英國倫敦大學皇家賀洛唯學院經濟學系，並以一級榮譽成績畢業，更考獲專業會計師資格，圓爸爸心願。

今日其男友藝人竇驍喺社交網上載一張超蓮食雪糕相，並附上一張超蓮喺今年8月成功獲得英國倫敦大學理科會計師碩士資格，竇驍笑言自己嘅「私己錢」睇嚟都係凶多吉少：「這個菇涼（姑娘）巴德廖（不得了）…我弱弱的問一句，這以後我還有機會留點兒私fangqia（房錢）………？不要啊啊啊！」隨即超蓮轉發微博，暗示竇驍唔會再有反擊機會：「會計師就是幫你管錢的呀～～你擔心甚麼呢真是的！」

其實早在2018年，超蓮出席活動時表示修讀碩士課程，更經常透露要做功課同溫書，當時佢話如果有時間，讀完碩士會考慮繼續進修。

----------------------------------------

「繽FUN星網」誠招各類有趣短片！

家有可愛貓狗，想同更多嘅人分享？

有橋有料，素人想一片成名？

立即寄片嚟： bunfun@on.cc