鄧穎堯宣布又有喜　兩年抱兩！

組合Super Girls師妹、模特兒鄧穎堯（Yoyo）去年為老公Daniel Lee（李浩楠）誕下女兒，今日佢喺社交網發文宣布再做媽媽，成功兩年抱兩！佢晒出與老公嘅合照，相中見佢將BB超聲波照放喺肚上，而老公則在旁指住其腹部表現驚訝，畫面非常溫馨！佢又透露原來兩年前嘅今日，亦喺宣布懷有大女嘅日子，故特意揀選今日報喜：「襯兩年前宣布有小bae，今日我想同大家講：Baebae準備做家姐啦！開心、驚喜、期待、完滿。」而昨日剛成為人妻嘅好姊妹余香凝亦有送上祝福，並留言：「辣媽！」