天生做明星!黃日華考訓練班 第2輪面試都唔使

20201115
東網電視
更多新聞短片
真係天生明星命!
藝人黃日華與苗僑偉(三哥)接受無綫清談節目《諸朋好友》訪問,這對相識超過40年的好友齊齊作深情對話。談到由訓練班開始成莫逆之交,三哥表示二人成長環境相若,加上興趣相同,所以份外投契!
當年風靡萬千少女的黃日華被三哥取笑:「喺廣播道總台門口,吸引好多粉絲等候。」黃日華即謂:「所以我要早半個鐘頭返工,永冇遲到。」雖然天生一副明星相,但原來黃日華當初畢業即投考南華後備隊:「諗住去踢足球,我入到最後4強,點知後來淨係我一個冇被招攬,可能命運嚟嘅,最終我去考訓練班,6,000幾人當中我淨係簡單面試,晚上已經接到取錄電話,連第2輪面試都唔需要!」
至於曾被張兆輝及郭富城開名答謝,黃日華淡然表示:「十幾年前張兆輝事業有啲阻滯,我咪叫佢跟我返大陸登台囉,喺我嘅酬勞撥啲畀佢。至於郭富城,因為當年同佢拍劇,佢住喺筲箕灣,日接夜開工冇得瞓,我叫佢嚟我屋企住咗個幾月。」談到太太辭世,黃日華直言多謝三哥陪伴:「佢問候我,又陪我食早餐,更幫我太太喪禮打點一切。」黃日華不禁眼紅,場面感人。
----------------------------------------
「繽FUN星網」誠招各類有趣短片!
家有可愛貓狗,想同更多嘅人分享?
有橋有料,素人想一片成名?
立即寄片嚟: bunfun@on.cc