郭晉安Cap圖向太太示愛　歐倩怡凍齡似少女

早前郭晉安與太太歐倩怡錄影的《流行經典50年》尋晚播出，兩人一齊拖手合唱，安仔即刻喺電視機前支持自己同太太，仲Cap咗其中一個畫面，入面歌詞係常常在心，安仔趁機冧太太話：「多謝大家支持！祝福每對夫妻Or情侶將對方常常在心。」網友都留言話佢哋兩公婆好似逆生長，愈來愈後生。

快將41歲嘅歐倩怡為安仔誕下一對仔女，之後佢醉心學業，讀緊運動營養學碩士，及已經成為註冊營養師，無論身形同樣貌都凍齡如少女，一啲都睇唔出已經係媽媽級，而佢最近都愛上健身操肌，社交網頻頻上載於健身室做運動嘅照片，可能運動加飲食就係佢保持少女嘅秘密！

----------------------------------------

「繽FUN星網」誠招各類有趣短片！

家有可愛貓狗，想同更多嘅人分享？

有橋有料，素人想一片成名？

立即寄片嚟： bunfun@on.cc