邱禮濤讚體能超卓 劉青雲孭70磅防爆服演戲焗到暈
20201117
東網電視
更多新聞短片
劉青雲孭70磅重嘅防爆服同巨型頭盔拍戲，真係隨時焗到頭暈。
由金像影帝劉青雲、金馬影帝謝君豪主演的電影《拆彈專家2》將於年底壓軸登場。青雲在戲中飾演「拆彈專家」總督察，在拍攝過程中，青雲不時要身穿70磅重的防爆服上陣。
首天開工，青雲拍攝一場「拆彈」戲，就以「全副武裝」埋位，鏡頭前威風凜凜，當休息時除下頭盔，他笑言已經焗到頭暈暈。
電影由邱禮濤執導，他指青雲曾經在電影《十萬火急》中飾演消防員，體能應付理應綽綽有餘。
問青雲演拆彈專家還是消防員較辛苦？他說：「原來做拆彈專家嘅裝備，重過做消防員好多，消防員嘅制服唔重，只係個氧氣筒重，但如果加埋拍攝過程，就應該演消防員辛苦啲，因為拆彈專家唔使周圍跑、上落樓梯，但演消防員就要跑嚟跑去，體能付出較多。」
----------------------------------------
「繽FUN星網」誠招各類有趣短片！
家有可愛貓狗，想同更多嘅人分享？
有橋有料，素人想一片成名？
立即寄片嚟： bunfun@on.cc