倪晨曦僱閨蜜做人肉BB床 鍾浠文:我開甚麼價錢?

20201118
東網電視
更多新聞短片
鍾浠文為倪晨曦(圓圖)嘅囝囝當保母,換片、清理便便、氹瞓覺,一腳踢。
宅男女神倪晨曦月初誕下男B,依家安心喺屋企坐月,閨蜜鍾浠文同朱韻韻去咗探佢,鍾浠文見佢囝囝Virgil好可愛,仲即時當起保母,幫BB換尿片,清理便便抺Pat Pat、又氹佢瞓覺,佢上載照顧BB嘅相片,及幫手換尿片嘅片段,見到鍾浠文有啲不知所措,而倪晨曦喺隔籬袖手旁觀,望住好姊妹幫BB換好片,佢先出手抱起BB,鍾浠文留言:「第一次幫人抹便便,第一次幫人換尿片,好彩冇請我飲茶茶!」
鍾浠文又抱住BB放喺大腿,笑言BB在放屁,之後抱得太舒服,BB好享受靚姨姨大腿,瞓到好冧,起初鍾浠文仲諗住做「陪月小鍾」,留言:「他在我的大腿上睡得好香呀,長度軟度剛剛好,真是很難找到這麼合適的大腿,他的父母想僱我給BB當床,我開甚麼價錢好,陪月小鍾,他這麼帥我是不是應該倒貼。」
----------------------------------------
「繽FUN星網」誠招各類有趣短片!
家有可愛貓狗,想同更多嘅人分享?
有橋有料,素人想一片成名?
立即寄片嚟: bunfun@on.cc