劉素芳病逝　演《愛回家》島大馮盈盈為人熟悉

於《愛．回家之開心速遞》飾演香港島大學飯堂職員大芬姐的劉素芳本月5日病逝，有認識她丈夫的人代為在社交網公布此消息，表示家人已經為她安排好身後事及火化，因疫情關係避免麻煩親朋摯友。劉素芳在《愛．回家》中經常自認是「島大馮盈盈」，於第937集中，馮盈盈真的客串演出，2人合作，成為城中熱話。另外，劉素芳為第一任六合彩女主持。

馮盈盈受訪時表示：「呢個消息好突然，聽到覺得好惋惜，之前客串《愛．回家》有幸跟佢合作，雖然交談不多，唔太清楚佢身體狀況。但佢好nice，我哋亦一齊selfie，全日合作得好愉快，希望佢家人節哀順變。」而單立文感到震撼、傷感，他說：「希望佢嘅家人能節哀，《愛．回家》嘅所有成員都會好掛念佢。」林凱恩、滕麗名、林淑敏等人都感到十分惋惜。

《愛．回家》監製林建祥表示：「覺得可惜，佢係特約演員，見佢身體差咗，佢都請咗假，所以我哋都搵咗其他演員做番。（知道對方咩病？）唔清楚，因為冇問到佢，見佢瘦咗，副導演時佢都有話唔舒服，諗住等佢身體狀況好番先再做。」周嘉洛表示：「得知素芳姐離開了的消息，我很愕然和遺憾。雖然合作不多，但在我印象中，她是一個敬業的演員，人很好，工作態度也很好。」而吳偉豪亦表示：「當我收到呢個消息，我都覺得好驚訝及難過。以我認識芳姐，佢真係一個好盡責、專業嘅演員，每一次同佢同場，佢都會畀到一啲驚喜又搞笑嘅演繹。所以能夠認識到一位人品好、心地又善良嘅前輩，我真係覺得自己好幸運。My condolences go out to her family. May her soul finally rest in peace.」