馮盈盈最近忙為無綫新劇《智能愛（AI）人》趕戲，劇中與機械人李佳芯和陸永有段三角愛情關係，人類和機械人「爭仔」，盈盈演來極高姿態，與佳芯有不少對峙場面，而一副女強人造型的盈盈，戴上金絲眼鏡有點顯老，但愛人被搶，絕不留情。

日前，佳芯為劇集到情趣店拍外景，她表示被盈盈刺激而明白人類的性想法：「我係機械人，係唔會明白人類關於性嘅嘢，盈盈係我情敵，所以成日用呢樣嘢嚟激我，後來我喺街上經過情趣商店，見到呢套水手服Cosplay，試吓買返屋企着畀陸永睇，係鬧劇一場，但好好笑嘅！」

問現實中可會接受情趣玩意？她說：「自己就未試過，但拍戲就經常試！呢個就係演員好玩嘅地方，現實唔會試嘅嘢，可以喺拍戲時試到。」