【失落38萬大獎】陸浩明冇錢娶老婆畀麥美恩兜巴星

20201119
東網電視
更多新聞短片
陸浩明痛失38萬元大獎後,突然被麥美恩兜巴星,冇錢娶老婆仲要畀人星一巴。
今年台慶為配合53周年,於送大禮環節時合共送出千足黃金及存款總共53萬港元,最終大獎由陳曉華抽中38萬黃金及存款,笑言要把獎金「買嘢食」。於陳曉華、黎耀祥及陸浩明為爭奪出線時,司儀麥美恩因太過肉緊,竟然一巴打到陸浩明飛眼鏡;而2獎10萬元由楊明奪得,司儀陳百祥即祝福「行尾運。」至於劉佩玥戥陳曉華贏得獎金後,竟興奮到在台上踩錯腳跌倒,要由在旁的謝東閔急扶起。
陳曉華從來沒有抽獎運
陳曉華奪得38萬大獎後表示,以前從來沒有抽獎運:「1蚊都未抽過,今次是人生第1次中獎,希望全年好運。」今日綵排時,亦抽中她出來,正式時叫她的名字都覺得好驚訝!問會如何使用38萬黃金及現金?她表示會請大家吃飯,亦會買一些禮物給自己。問會否送禮物給為她高興而跌倒的劉佩玥?她說:「睇吓佢鍾意乜嘢,可能送份聖誕禮物畀佢。」
劉溫馨着港姐舊鞋甩鞋
今晚於台上「甩鞋」的劉溫馨,事後接受訪問時說:「對鞋係公司嘅,係2013年選港姐時着過嚟跳舞,可能氧化,我跳跳下發現右腳鞋底甩咗,都有同周嘉洛講,好多謝余德丞幫我執生,呢次台慶真係好難忘,從來冇試過咁蝦碌嘅情況。」
劉佩玥失足得謝東閔扶住
陳曉華贏得大獎時,劉佩玥開心到跳高,然後踏空跌落前排,幸得一班同事如謝東閔等扶一扶,劉佩玥說:「要陳曉華請食飯。」剛巧周柏豪經過,搭訕笑謂:「畀晒成份你,好唔好?」劉佩玥回答:「一個騷錢都殺。」劉佩玥祝福陳曉華Keep住幸運,同埋陳曉華勝出全靠女仔推車「唔多夠力」,才可以成為大贏家。
----------------------------------------
「繽FUN星網」誠招各類有趣短片!
家有可愛貓狗,想同更多嘅人分享?
有橋有料,素人想一片成名?
立即寄片嚟: bunfun@on.cc