【玄之又玄】食啱五行菜 好運自然來

2020年11月21日 10:00
東網電視
更多新聞短片
原來食菜都可以加強財運,真係要食多啲先得!(互聯網)
有說11月25日係「世界蔬菜日」,旨在推廣素食,鼓勵大眾多菜少肉,注重健康嘅你,當然要響應一下。講起蔬菜呢種咁平常嘅食材,原來真係好有益,除咗可以補充身體所需營養,仲可以為事業帶來好運,甚至令財運亨通。究竟係咩葫蘆賣咩藥?
簡單嚟講,十二生肖各有五行屬性——猴、雞屬金,虎、兔屬木,鼠、豬屬水,蛇、馬屬火,牛、龍、羊、狗屬土;同樣地,唔同嘅食物都有五行之分,只要識得配合個人五行嘅「揀飲擇食」,就有助增強運勢!值得一提,隨着季節轉變,每個人需要嘅五行食物會有所改變,不一定獨沽一味,大家不妨參考以下列表,作出明智嘅選擇吧!
12生肖增運食物表
屬金食物
特性:如有「白」字邊的名稱,都屬金。
蔬菜:小白菜、冬瓜、大白菜
生果:檸檬、西柚、車厘子、甘蔗
屬木食物
特性:形狀長形的,如有甲字、木字、花字等,也屬木。
蔬菜:菜心、榨菜、西蘭花、西芹、節瓜
生果:啤梨、大樹菠蘿、奇異果、杧果、椰子、無花果
屬水食物
特性:如有「子」字的名稱,都屬水
蔬菜:菠菜、葱、蓮藕、黑木耳、銀耳、紫菜
生果:西瓜、梨、柚、楊桃、提子、雪梨
屬火食物
特性:味道帶辣;食材本身顏色為紅。
蔬菜:卷心菜、蒜頭、葫蘆瓜、番茄、辣椒、紅豆
生果:荔枝、士多啤梨、木瓜、布冧
屬土食物
特性:面積較大、體積較重或較笨重的。
蔬菜:青瓜、芥蘭、青蘿蔔、南瓜、茄子、猴頭菇
生果:香蕉、橙、沙田柚、蜜瓜、山竹