潮州人勤力唔輸得!蔡小蝶做茶記學廣東話叻過香港人

2020年11月21日 21:00
東網電視
更多新聞短片
蔡小蝶當年作為新移民,入茶記自學廣東話,依家講得好好呀!
《2020亞洲小姐競選香港區決賽》冠軍蔡小蝶因「勤力」而參加選美,令她由「港姐棄將」變成亞姐冠軍,充滿戲劇性。接連參加選美的她並非天生選美狂,鬥靚因為遇上世紀疫情,她說:「唔覺得自己特別靚,以前冇諗過選美,但係疫情少工作,反正得閒就不如去參加選美啦。」
深圳出世的她,14歲移居來港,身為潮州人的她遺傳勤力基因,為融入香港,15歲邊讀書邊到茶餐廳打工,她說:「嚟咗香港10年,當初唔識聽唔識講,覺得讀書唔識廣東話會畀人杯葛,所以夠15歲就去茶餐廳返工,唔係要幫補家計,係為咗學廣東話,最叻講凍檸茶,哈哈。」
由第一份工做茶餐廳開始,蔡小蝶工作冇停手,做過樓面、知客、酒店炒散、禮儀小姐、show girl、KOL,至今一直自己賺錢自己使,沒有問過家人攞錢,她笑說:「屋企由細就灌輸要靠自己要有獨立嘅思想,所以我好勤力。」移民來港後,蔡小蝶自言因工作勤快,不單未有被同事欺負,更被錫到燶,還在餐廳做知客時訓練出抗壓能力,她笑說:「做知客派飛,有啲客嫌等得耐會發脾氣、投訴,抗壓能力就係咁練番嚟,哈哈。」性格樂觀的她笑謂自己玩得又愛笑,自覺有潛質做諧星,希望公司提攜。
至於拍過電影及ViuTV劇集的亞姐亞軍何雙妍除了有一定演出經驗,背後更有感情穩定的男友做後盾,讓她在演藝事業搏殺。她亦不擔心所謂的「選美分手魔咒」:「我哋都係活在當下,理唔到之後嘅事,反而係男友鼓勵我入行,佢好信任我。」
自稱是單身的季軍高文君透露選亞姐全因失戀,與男友分手後希望為自己轉換環境,認識更多新朋友而報名。被網民封為「女神」的她在香港大學修讀土木工程學士學位,得獎後豈不是吸引更多追求者﹖她笑說:「冇呀,因為依家係網上課程,大家見唔到面,要下學期先要返學。」她對拍拖順其自然,視成熟又穩重的古天樂為「男神」。
---------------------------------------
「繽FUN星網」誠招各類有趣短片!
家有可愛貓狗,想同更多嘅人分享?
有橋有料,素人想一片成名?
立即寄片嚟: bunfun@on.cc