黎耀祥阮兆祥爆娛圈秘聞:好在冇得罪過人!

2020年11月21日 23:33
東網電視
更多新聞短片
黎耀祥同阮兆祥合作無間。
「雙祥組合」藝人黎耀祥及阮兆祥現身「繽FUN Live」,與繽FUN主播俞詠文直播傾偈。正為節目《雙祥見》開工嘅2人,坦言默契愈嚟愈好,阮兆祥大爆黎耀祥怕生保:「熟嘅朋友佢好容易倘開心胸,分享咩都得,但唔熟就會好似隔住幅牆。」提到節目中玩「揞名爆」大爆圈中秘聞,但2人坦言好在未有因此與人結怨反面,黎耀祥說:「雖然講到某啲人有缺點,但其實過咗咁耐大家都冇放喺心,就算依家撞番面都冇嘢。」期間2人憶述曾分別扮演羅文,更即席合唱《激光中》,炒熱氣氛。而阮兆祥亦重提執黎耀祥二攤拍《溏心風暴》而得獎一事,感謝對方帶挈,黎耀祥則大讚阮兆祥實至名歸。
有指鄧萃雯回巢拍《巾幗梟雄4》,黎耀祥指尚未落實:「有聽聞會籌備,暫時未有具體資料,希望會成事,早啲有確實資料再公布。咁我自己都期待嘅,雯女(鄧萃雯)係一個好對手,巾幗之後都冇再合作過,同埋我哋嘅化學作用好得意,大家唔係特別熟,但出嚟效果觀眾又好鍾意。」在旁嘅阮兆祥即自薦加入,黎耀祥笑說:「佢可以做我哋個仔。」
----------------------------------------
「繽FUN星網」誠招各類有趣短片!
家有可愛貓狗,想同更多嘅人分享?
有橋有料,素人想一片成名?
立即寄片嚟: bunfun@on.cc