羅力威疑中產後抑鬱 唔敢亂發洩靠個琴解決

2020年11月22日 08:38
東網電視
更多新聞短片
其實新手爸爸都唔容易,頂住!
藝人雨僑8月誕下囡囡羅約彌(Harper),因為冇請家傭或者陪月幫手,親力親為湊B,搞到佢呻「真係人都癲」,老公羅力威亦唔見得好,對住三個月大嘅囡囡完全不知所措,覺得自己都患咗產後抑鬱病。佢喺社交網上載咗抱住囡囡瞓覺,好溫馨嘅相片,但其實背後好多辛酸,要同大家分享,佢話老婆啱啱生完之後要照顧佢,而BB成日不停喊:「每隔幾個鐘醒一醒,次次唔定時同唔知搞幾耐,永遠冇收工,嚟到兩個幾月佢已經可以瞓到9-10個鐘,可能知爸爸媽媽辛苦,體諒我哋,當然除咗呢啲,仲有好多嘢....」
「關於產後抑鬱,我都唔係好知係乜,不過我估我其實中咗少少,老婆話番我知,我理解我嘅情況係對喊聲好反感,同唔理智嘅人(BB)溝通唔到嘅時候,而你冇地方發洩,因為你連鬧交都冇對手,而咁簡單嘅食奶瞓覺道理點解唔明。」
之後佢感激家中嘅琴畀佢發洩,雖然呻咗好耐,但最後都係覺得有女萬事足:「唔好覺得湊b感到沮喪失敗,因為最後見到個B望住你笑,也就是場仗大獲全勝之時。」
----------------------------------------
「繽FUN星網」誠招各類有趣短片!
家有可愛貓狗,想同更多嘅人分享?
有橋有料,素人想一片成名?
立即寄片嚟: bunfun@on.cc