吹頭洗頭搞成個鐘　劉佩玥拍Vlog紀錄剪短髮

前港姐劉佩玥多以長髮示人，不過近日佢竟然將長髮剪短，令人眼前一亮，佢仲將整個剪髮過程拍片上載至社交網同網友分享，見劉佩玥去到髮型屋笑笑口話非常好期待：「我超級興奮，又好緊張，我太耐冇剪短。」

終於嚟到重要時刻，由劉佩玥親自操刀，仲自帶音效邊剪邊配音，獲網友大讚清爽短髮同樣咁好睇，原來今次佢剪短頭髮，除咗因為工作關係，更自爆每日吹頭洗頭都要成個鐘：「這幾年亦因為工作的關係，一直都留着1把長長的頭髮，感謝這幾年造型師和髮型師們都為我的頭髮下了不少心血和工夫，每1次工作都把我打扮得漂漂亮亮的！但這幾年我都累了，每1次洗澡吹頭都要花上1小時... ...這次也是因為工作的關係，1次過，把頭髮，給！剪！了！」

----------------------------------------

「繽FUN星網」誠招各類有趣短片！

家有可愛貓狗，想同更多嘅人分享？

有橋有料，素人想一片成名？

立即寄片嚟： bunfun@on.cc