蔡卓妍生日同阿嬌過　大合照竟然有人係P上去？

今日38歲生日嘅蔡卓妍（阿Sa），早兩日就被拍得同男友石恆聰（Anthony）拖手出巡，不過原來過12點呢個重要時刻，阿Sa就選擇同好姊妹鍾欣潼（阿嬌）一齊過！阿嬌於社交網上載合照，並發文慶生：「祝我sasa開心幸福快樂地過每一天！」

照片中阿Sa一身家居服，以紫色套裝上陣，阿嬌就一身黑色Look有型又夠Chok，佢仲靠喺阿Sa膊頭攬到實，兩姊妹親密無間。

大合照中就見容祖兒同關智斌、曾樂彤都有出現，但有眼利網友就發現原來祖兒係P上去，因為工作關係佢仍身在內地，被迫要缺席，見大家都咁有心畀佢「現身」，睇嚟真係友情比天高呀！雖然佢唔在場，但佢都冇忘記阿Sa生日，仲晒出多張舊照隔空祝賀壽星女：「一切盡在不言中，只係冇得吹你枝蠟燭感到有點可惜！」

原來今次個Party喺屋企搞，今日周勵淇就上載多張同阿Sa嘅合照，留言：「已經唔知第幾年同你一齊慶祝生日了，但今年就第一次在家中舉行，既溫馨又開心！」

----------------------------------------

「繽FUN星網」誠招各類有趣短片！

家有可愛貓狗，想同更多嘅人分享？

有橋有料，素人想一片成名？

立即寄片嚟： bunfun@on.cc