蘇慧恩曾沉迷打機課金:讀書嗰時1個月使4千

2020年11月22日 13:01
東網電視
更多新聞短片
課金都要識控制。
歌手蘇慧恩(Ophelia)聯同同公司的師弟妹鍾曉彤、謝柏忠及馬穎珊出席電競活動及車模比賽,Ophelia擔任表演嘉賓及比賽評判,她自言是模特兒出身,讀書時曾在廣州做過車模,問到是否要性感上陣?她坦言:「唔需要好性感,外國模特兒就好性感喇,唔輪到我。(介唔介意性感?)如果拍瘦身廣告着泳衣或者活動有需要都可以,但我身材唔豐滿,唔適合性感,啲客都唔會搵我。(對自己身材冇信心?)都唔係,我係骨感,呢個係媽咪賜畀我,係比較平均,如果太突出畀人集中某一點都唔係好事。」
另外,講到電競,Ophelia表示現時已甚少打機,因為覺得浪費金錢及時間,但曾有段時間頗為沉迷:「我會買點子同課金打機,讀書時試過1個月畀咗4千蚊打機,依家覺得幾無聊。當時都有少少病態,媽咪見到我張月結單覺得好誇張。」
而原本有份出席該活動的《全民造星III》參賽者黃欣欣未有現身,身為對方師姐的Ophelia代解釋:「佢隻眼生眼瘡同含膿,所以嚟唔到,佢參加《全民造星》壓力好大而且行程好多,佢又要教跳舞,所以唔夠瞓生眼瘡。」
----------------------------------------
「繽FUN星網」誠招各類有趣短片!
家有可愛貓狗,想同更多嘅人分享?
有橋有料,素人想一片成名?
立即寄片嚟: bunfun@on.cc