為台慶減4磅!連詩雅駕馭全透視晚裝冇難度

2020年11月22日 15:34
東網電視
更多新聞短片
女星真係唔易做!
歌手連詩雅日前在經理人公司提議下着全透視晚裝出席《萬千星輝賀台慶》,雖然她平日都勤做運動Keep Fit,對身材有信心,可是仍覺得着全透視裝是大挑戰,她說:「因為台慶前3天先去試裙,嗰2套晚裝真係好貼身同全身透視,仲有1條係白色,有多啲啲肉都會影響裙嘅美感,我第1眼見到條裙已經好鍾意,簡直愛不釋手,又唔想浪費經理人公司同造型師嘅一番心意,所以我決定喺台慶前3天,一定要減4磅。」
由於同期她仍要趕拍新劇《金宵大廈2》,所以唯有在3天內共喪跑20公里,兼且一日3餐只可吃蛋白,雞胸同菜,她又分享進行地獄式的極速減肥心得:「如果要喺短時間內減肥,令身形Fit到達自己目標,一定要運動佔30%,仲有配合70%嘅飲食比例,先唔會白費心機。」
雖然最終都達標減夠4磅,但出席台慶當天她曾感到頭暈,幸好心情太興奮,令腎上腺上升關係,令她力抗輕微身體不適,她又說:「好開心現場有好多人行嚟讚我着得靚,總算冇令造型師、經理人公司丟架。」
----------------------------------------
「繽FUN星網」誠招各類有趣短片!
家有可愛貓狗,想同更多嘅人分享?
有橋有料,素人想一片成名?
立即寄片嚟: bunfun@on.cc