做足防疫撐張敬軒 吳浩康:戥佢緊張!

2020年11月22日 19:57
東網電視
更多新聞短片
吳浩康話為咗軒仔,一定會撐場!
歌手張敬軒今晚開紅館騷,吳浩康晚上7時許現身,穿牛仔衫褲、配戴黑色口罩的他表示提早到場,一來避免人多,二來可預時間做足防疫措施。對於新冠肺炎疫情反彈,第4波疫情來勢汹汹,吳浩康直言多少都擔心。見他配戴的口罩疑似是防花粉口罩,他解釋已經問過,口罩屬合格。他說:「起碼一年多冇嚟過紅館,但為咗軒仔(張敬軒)一定要嚟。(擔心佢個騷取消?)都擔心嘅,戥軒仔緊張。(因為有粉絲喺社交網留言問係咪應該取消個騷?)我覺得好難取捨嘅,因為安排個騷都要時間,面對呢個特殊情況,都想像到軒仔面對幾大壓力。(有冇傳短訊畀佢叫加油?)冇呀,我嚟已經係支持,開騷前唔好咁多message佢,太多就好煩,現身支持最實際。」
他自言除了戴口罩外,會勤洗手,及不會四圍亂摸,他說:「自己消毒都好密,噴霧都好勁。(你自己都想快啲開騷?)今晚想軒仔Good show先,自己都想,等所有嘢正常番先。」另外,紅館的入口處都安裝了量度體溫儀器,而周邊均有告示提醒觀眾入場需要配戴口罩、禁飲食及保持社交距離,防疫措施亦做到足。
----------------------------------------
「繽FUN星網」誠招各類有趣短片!
家有可愛貓狗,想同更多嘅人分享?
有橋有料,素人想一片成名?
立即寄片嚟: bunfun@on.cc