張敬軒化身紅館工作人員 叫大家做好防疫!

2020年11月22日 20:17
東網電視
更多新聞短片
大家要做好防疫!
《張敬軒X香港中樂團盛樂》一連八場演唱會於紅館開鑼。軒仔為了確保防疫措施做足, 他化身紅館工作人員,拍攝防疫措施安全指引片段,於演唱會開場前播放,讓觀眾清楚知道如何安全、快樂地欣賞演唱會。
片中軒仔穿上了紅色帶位職員紅館制服,戴着口罩親身示範觀眾如何按照座位編號入座,保持社交矩離,不能私下調位。觀眾於欣賞演唱會期間,不准飲食,連偷偷地飲水都唔可以,全程需要大家都罩不離口。軒仔又提醒大家,為安全起見最好盡量少用紅館的公共設施,又笑言演唱會好精彩,如果唔急就不要去廁所,如果真係要去,去完記得洗手,邊洗手邊唱五次「成碟青瓜過大海」就時間剛剛好洗乾淨。再保險一點就請再用消毒酒精搓手液搓手先返回座位。
另外,軒仔又於片段中向歌迷及朋友表示,不要浪費錢送花,亦不用擔心他冇啖好食,送美食給他,因紅館前後台大部份位置都嚴禁飲食,餵飽他的重任交給他家中的「遮遮」便可以。又為免人群聚集,軒仔細心通知歌迷,完場後不用於後台黃閘聚集等見他一面,為了抗疫,完騷後他會秒速返家「淨身消毒」,不會於黃閘位出來跟大家會面。
----------------------------------------
「繽FUN星網」誠招各類有趣短片!
家有可愛貓狗,想同更多嘅人分享?
有橋有料,素人想一片成名?
立即寄片嚟: bunfun@on.cc