菊梓喬胞妹進軍KOL界 藐嘴藐舌勁港女

20201122
東網電視
更多新聞短片
有冇網民認得佢呢?
歌手菊梓喬(Hana)自小父母離異,年紀輕輕已肩負「大家姐」重任,跟感情要好的妹妹相依為命,曾自責為做歌手而養不起妹妹的她,現已今非昔比,穩做「星夢一姐」後成功脫貧,連帶妹妹都有好日子,可隨家姐腳步追夢。
據知Hana妹妹化名「三樓百胃Stomachguchi」加入KOL大軍,不過她純屬Sell演戲,非跟賣唱功的Hana「爭飯食」。Hana妹妹在微辣短片《憑實力單身》中,演飾透過交友App獵仔的貼地港女。首度曝光的她,樣貌被網民指似唱家班閻奕格,她的手腳均有紋身,跟家姐斯文氣質截然不同。雖然她的演技尚屬新人,但將黑面、藐嘴、愛發脾氣及狂Loop手機的港女特色發揮得淋漓盡致,相當好戲。
「阿妹真係好似閻奕格!」
Hana日前受訪時承認妹妹學做KOL,又讚妹妹:「拍得好好,佢比我更加識做戲,我差過佢。(妹妹唱歌好唔好聽?)唔係話唔好聽,但我唔建議佢唱歌,我會建議佢拍劇。」問到可會考慮向無綫推薦妹妹?她笑說:「佢係普通人嚟㗎咋,畀佢出去闖一闖先,佢本身有正職嘅,不過我覺得佢喺做戲方面幾有天分。」更望將來兩姊妹有機會合作。
談及妹妹似翻版閻奕格,連Hana都笑說:「我見過閻奕格真人,阿妹真係好似佢,我同妹妹完全唔同類型,佢夠特別同幾可愛。」近期開設個人專屬頻道大行其道,Hana亦隨潮流拍生活片放上網:「開咗個工作坊,想帶動小朋友、粉絲學整手作仔,想做到好似生活百科咁。」
----------------------------------------
「繽FUN星網」誠招各類有趣短片!
家有可愛貓狗,想同更多嘅人分享?
有橋有料,素人想一片成名?
立即寄片嚟: bunfun@on.cc