台慶得3分鐘換衫!謝芷倫自爆後台烏龍事

2020年11月22日 22:39
東網電視
更多新聞短片
謝芷倫自爆差啲喺觀眾席衝去另一邊後台,否則電視鏡頭會影到佢!
藝人謝芷倫(Jan)多才多藝,精通芭蕾舞嘅佢,早前於台慶表演中國舞,更以古裝上陣,佢坦言係一大挑戰:「練咗4日就表演,時間非常緊迫。我件古裝衫好長,跳嘅時候其實我踩到自己裙腳,差啲仆親,最驚係走位時會撞到其他人,所以花最多時間練走位同企位,最後都好順利!今次跳完中國舞,都幾鍾意,好有韻味,之前拍劇同拍電影都有跳過肚皮舞同芭蕾舞,希望有機會拍古裝時跳中國舞啦。」
佢又大爆後台烏龍事:「表演前得3分鐘換衫,換完9秒9跑去後台,超緊張,同參選港姐時一樣爭分奪秒。我仲差啲喺觀眾席衝過去另一邊後台,好彩有負責同事捉實我帶我行番後台,唔係就會影到我跑過。」此外,佢亦與《愛.回家之開心速遞》拍檔李偉健、歐瑞偉等好友集郵,再度合體。
----------------------------------------
「繽FUN星網」誠招各類有趣短片!
家有可愛貓狗,想同更多嘅人分享?
有橋有料,素人想一片成名?
立即寄片嚟: bunfun@on.cc