張敬軒帶拉尺上台 保持安全社交距離!

2020年11月22日 22:47
東網電視
更多新聞短片
真係紅館第1人呀!
歌手張敬軒紅館騷開鑼,因受疫情影響,軒仔取消握手環節,卻有意外「驚喜」,貼心準備道具:「我應該係史上第1位喺紅館開騷嘅歌手帶拉尺。」說畢便抵死拉出安全社交距離的尺數,並大笑下令:「千祈唔好掂我把尺,行過嚟畀你哋瞻仰吓!」然後邊唱《孤單公園》、邊帶拉尺繞場一周,當他見到有Fans一擁而上,就即伍衞國「上身」叫Fans「坐低」,笑翻全場!他又指因為全部人戴上口罩,所以都未能即時認出大家。
再換上灰色花瓣造型衫的軒仔,唱出《桃色冒險》,然後他特別多謝老闆楊受成博士:「畀我自由造音樂、每個演唱會都精益求精,有特別嘅效果,多謝你對我嘅信任,多謝楊太、多謝Shirley。」
軒仔深情剖白,自爆過去一年的時間經歷過不少挫折:「喺香港有其他嘢做,一來一回(返廣州)就要隔離28日,所以未有見父母,改用FaceTime,大家最近睇我社交平台好好玩、好好笑,但呢年遇到好多挫折,喺呢11個幾月我失去咗3位家庭成員,我有隻哥基狗,佢啱啱被診斷有漸凍症,行動會一步一步流失,直至食唔到嘢。」續謂人生是有煎熬的時間、生活一定有苦,但要學識於生活中尋找小確幸,又大爆老闆每朝都Send張「張輩圖」給他:「擘大眼都未抹乾淨眼屎,就見到有人關心自己,我之後都會繼續分享更多愛,忍受啲早餐!」令全場爆笑!
軒仔再次衷心感謝Fans沒有因為退費手續麻煩而過來紅館辦理,唱《笑忘書》前夕,軒仔坦言這首歌千斤重:「相信大家入嚟嘅心情同我一樣恍如隔世,本來睇演唱會係理所當然嘅事,但都變得咁艱難,無論來日咩崗位、嚟自邊度嘅觀眾、無論生活有幾苦,有張敬軒嘅音樂陪伴大家,係我嘅福氣!」