黃又南打細路唔留手:佢塊面有手掌印

2020年11月22日 23:03
東網電視
更多新聞短片
黃又南要打小朋友好大心理壓力~
藝人黃又南、袁富華及張建聲等晚上出席電影《一秒拳王》首映禮。戲中首次扮演爸爸的又南受訪時表示:「扮我個仔嘅小演員睇嚟得5、6歲,但我個角色係衰老竇,一開工我就要掌摑佢,真係有啲於心不忍,所以埋位前解釋畀佢聽,點知原來佢拍開嘢嘅,完全唔介意!」
又南形容自己當時「狠狠地出手」,令對方面上留下手掌印:「因為唔想拖住拖住咁,倒不如快啲、準啲,等導演快啲收貨仲好。(細個時有冇畀爸爸打過?)梗係有,小學時試過扮病唔返學,後來又自己踢爆自己,我未試過驚到要閂房門、跳上碌架床逃避爸爸。其實上咗中學之後,我爸爸只會同我講道理,佢擔心體罰我會離家出走,又或者還手。」他又指疫情少了工開,自己仍堅持每星期返經理人公司開會,討論劇本:「唔想偷懶,同埋我會喺屋企煲戲,差唔多睇返晒去年想睇嘅好作品。」
袁富華扮過氣拳手堅持操肌
另外,袁富華於《一》片中扮演過氣拳手,他亦自發於家中操肌:「起碼要有返個骨架,不過我依家呢個年紀,蛋白質流失得好快,我唔會爆肌嘞。」剛一口氣完成幾套電影拍攝的他,大讚經理人本事:「可以幫我搵到咁多工作,不過我更加想電影業復甦,等個個崗位嘅工作人員都有公開。」
----------------------------------------
「繽FUN星網」誠招各類有趣短片!
家有可愛貓狗,想同更多嘅人分享?
有橋有料,素人想一片成名?
立即寄片嚟: bunfun@on.cc