人生最難忘情景 黃日華落淚:睇住太太走一刻

2020年11月22日 23:13
東網電視
更多新聞短片
黃日華只好接受現實..
藝人黃日華與苗僑偉(三哥)接受無綫清談節目《諸朋好友》訪問,這對相識超過40年的好友齊齊作深情對話。今晚來到下半部分的訪談,兩兄弟談到「暖男」條件。
主持張秀文大讚華哥和三哥都是圈中出名好男人,錫老婆、又專一,華哥自言因為自己蠢,既然搵到鍾意的人就不放手,三哥更笑指華哥當識到女友梁潔華時,重色輕友經常不見人!華哥回想當年拍拖是靠電話談情,因為忙住拍劇開工,只有等埋位時與女友「煲電話粥」,期間更會摺紙花、摺動物仔等冧送梁潔華。三哥稱華哥愛做手工,喪妻後女兒擔心他患抑鬱,故帶他去學整蠟燭,即場更展示製成品。提到女兒,三哥更被問到可介意女兒苗彤性感泳裝相公諸於世,他大方撐女兒,覺得趁後生就應該要做。
最後講到最難忘情景?剛喪妻的華哥忍不住流下男兒淚:「目前最難忘暫時係親眼睇住太太走一刻,人生係經歷生老病死,係要接受,但緣分完結,冇可能追返,但感情係長存,呢幾個月多得有三哥陪度難關。」
----------------------------------------
「繽FUN星網」誠招各類有趣短片!
家有可愛貓狗,想同更多嘅人分享?
有橋有料,素人想一片成名?
立即寄片嚟: bunfun@on.cc