居家品酒 真係咁易醉?

2020年11月22日 23:30
東網電視
更多新聞短片
品酒時有索女陪伴左右,無論喺邊度飲都會醉,你話係咪?(互聯網)
酒逢知己千杯少,尤其係同心儀已久嘅紅顏知己碰杯,梗係要飲個痛快啦!只可惜受疫情影響,家陣酒吧限制每枱坐兩個人,又要限時限候埋單,約朋友飲酒似乎上屋企會Free好多,之但係唔少人覺得喺屋企飲酒會易醉啲,究竟係真唔係呀!日本女網民高橋奈美子(高橋なめ子)聲稱要搵出真相,佢話喺酒吧飲酒,3、4杯落肚都冇問題,但喺屋企飲,1杯就瞓低,經過一番研究,佢發現同酒杯款式有關,酒吧用嘅杯比較細隻,分量少啲,屋企用有耳杯嚟飲,分量多咗,自然易醉啲!呢個解釋聽起上嚟有啲似是而非,有網民就話,重點應該係,酒吧飲酒逐杯計錢,屋企飲酒飲幾多都得,環境又Relax一啲,自然會飲得放啲同多啲!
AV女優傾巢而出
講到疫情問題,好多大型活動都被迫延期或取消,所以唔少人都對日本AV大廠Prestige搞唔搞得成「AKIBA JACK!!」(アキバジャック)呢項年度活動有保留。幸好,片廠早前已經公布,活動會如期喺秋葉原多間DVD店內舉行,旗下女優仲會傾巢而出,包括鈴村愛里、愛音麻里亞、野野浦暖、涼森玲夢、永瀨未萌等等等,並會進行長達7個半小時嘅馬拉松式簽影會兼抽獎。由於每位女優每日只有一場活動,而且每場名額為50人,想入場一睹偶象風采嘅粉絲,勢必爭崩頭!
疫情令人失性趣
疫情持續,英國嘅情況更加令好多人感到憂慮,繼而對性失去咗興趣添!某約會應用程式早前搞咗個調查,有2,559名男女參與,結果發現55%受訪者真係因疫情而失去性趣,部分人更曾故意對另一半嘅求歡要求無動於衷,原因係想避免有身體接觸。除咗抗疫理由外,有29%受訪男女表示失去性趣同電視及遊戲令自己分心有關,52%受訪者歸咎於工作、疾病、傷心等原因,33%因長期冇性生活而感到麻木。英國國民保健服務指出,如果自覺失去性趣,記得要正視,最好向性學家求助。