【對另一半唔公平】黃智雯感情潔癖解構7年之癢

2020年11月23日 00:03
東網電視
更多新聞短片
Mandy同男友已經拍咗8年拖~
人馬座的黃智雯愛冒險兼貪玩,但對愛情非常專一,與圈外男友無風無浪拍拖8年,不斷嘗新為愛情保鮮。面對娛樂圈的誘惑,她自認潔癖,不會貿然與人發生感情轇轕,為顧及另一半感受,更會自設保護屏幕,煉成緋聞抗體!
黃智雯(Mandy)在新劇《使徒行者3》飾演的Madam G患有「學者症候群」,擁有高智商,但不擅長與人溝通,亦不懂觀察別人的喜怒哀樂,她事前下了不少苦工:「我要保留『學者症候群』患者特質,但查案又唔可以唔同人溝通,加上角色唔懂得表達情緒,要諗方法畀佢發洩,最後諗咗揼牆。」劇中她與馬國明是非一般情侶:「今次加入喜感,講我哋拍拖嘅節目係睇閉路電視,好古怪。(親熱戲?)有,但唔多,因為對Madam G嚟講,少少觸摸都好大事件,接吻戲都好含蓄,好似小朋友Puppy Love嘅感覺。」
為男友自律
現實生活中,Mandy有一位拍拖8年的圈外男友詹文天,感情穩定,她認為所謂「7年之癢」只因太習慣對方,以致沒有驚喜:「我會感覺到,會覺得係時候加啲調味料,好在我嘅職業要周圍走,唔係24小時黐住男友,我哋會周圍去試新餐廳,都係一種情趣同保鮮方法。」
自拍拖以來,Mandy可謂跟緋聞絕緣,她揚言全因「潔癖」:「要重新認識一個人,同其他人發生感情轇轕,係一件好煩嘅事,我自然會有個保護屏幕,呢方面我比較自律。」置身這個需要爭取曝光率的行業,零緋聞會否蝕底?她說:「如果工作上有感情轇轕或者唔好嘅新聞,影響形象之外,亦對另一半唔公平,我想保障我另一半嘅感受。」
唔心急「造人」
談到婚期,她直言與男友早有共識:「唔係唔想結,而係等時機,大家一齊已經好舒服,好明白同了解對方。(結唔結婚都冇所謂?)我會結,我都想組織家庭。(考慮雪卵?)我有同朋友研究過,但冇話好驚,要追趕時間。我鍾意自然啲,唔會刻意去做,有冇都係個天安排。」
Mandy的事業與感情一樣四平八穩,無奈與「視后」仍有一步之遙,問會否以視后為目標?她說:「我唔想畀個框框自己。(唔需要用獎去肯定自己?)獎項係好大鼓勵,但唔想被呢樣嘢框住。」
Credit:
服裝 : alice + olivia by Stacey Bendet
----------------------------------------
「繽FUN星網」誠招各類有趣短片!
家有可愛貓狗,想同更多嘅人分享?
有橋有料,素人想一片成名?
立即寄片嚟: bunfun@on.cc