【香港估估吓】誰是《新紮師兄1988》內杰佬嘅死對頭？

拍攝警匪片一向係大台嘅拿手好戲，尤其係80年代推出、由梁朝偉孭飛嘅《新紮師兄》系列更加係深入民心。?1987年11月23日首播嘅《新紮師兄1988》，屬系列中嘅最後一集，亦係大台20周年台慶劇。

劇情講述梁朝偉飾演嘅張偉杰被調去有組織及嚴重罪案調查科，負責對付兩大黑社會巨頭鄭康貴（江毅飾）同卓壽賢（鮑方飾），最終受到劇中大奸角嘅步步進逼。認人時間，圖中3人，邊位先係杰佬响《新紮師兄1988》入面遇到嘅大奸角？

答案係林嘉華，佢响劇中飾演受過軍事訓練嘅智慧型罪犯程君澤。另外兩人都係奸嘅，分別係韓彬（任達華飾）同鍾偉舜 （吳啟華飾），一個嚟自《新紮師兄續集》，另一個嚟自《當代男兒》。順帶一提，《新紮師兄1988》雖然冇咗發哥周潤發同華哥任達華嘅加持，但演員陣容都好強勁，包括高雄、秦沛、關海山、劉兆銘、蘇杏璇、許紹雄等一大班老戲骨，以及第一次演電視劇嘅邱淑貞。