冇得驚疫情 羅家英汪明荃明年初照開粵劇

20201124
東網電視
更多新聞短片
汪明荃與老公羅家英明年在戲曲中心演出11場粵劇。
藝人汪明荃與老公羅家英到戲曲中心,出席福陞粵劇團2021戲寶精選記者會,將於明年2月上演11場演出。汪明荃透露因疫情關係,演出已由今年9月延至明年初:「都冇法,希望疫情受到控制,如果控制唔到大家都受苦。(座位點安排?)依家我哋會賣住一半飛先,如果賣7成到時唔得,退飛就好麻煩同嘥時間,寧願臨近開場再賣飛,所以劇團收入係少咗好多,但都要做,如果唔係班兄弟冇得開工,我哋有7場都係慈善演出。(會唔會賣貴啲飛幫補番?)交由慈善組織自己考慮,但我哋啲飛會同上年一樣。」羅家英就笑言:「佢講得啱,我好配合。」
問到可擔心演出會再受影響?汪明荃坦言:「冇得驚。(如果叫停咁點?)惟有再延,依家都做緊宣傳,總之唔係封館嘅話,我哋一定會演出。」問到現時第四波疫情,可會減少聚會?她坦言:「有時好難避免,我哋今晚都要去朋友飲宴,佢哋註冊好耐,已經改咗好多次,所以都要到一到擺低賀禮。」她又提大家現時要做好防疫措施,盡量減少外出聚會。羅家英亦謂:「我陣間都要趕住拍《女法醫JD》,拍到12月頭,嗰陣馬來西亞突然好嚴重,所以要趕番嚟,拍完之後就準備呢個演出。」
汪明荃在台上又謂今次能舉辦很感動,疫情下惟有照做,順勢而上,又笑言羅家英要多謝她:「佢10年前返大陸拍戲搵快錢,但我提佢粵劇先係佢嘅根。」
----------------------------------------
「繽FUN星網」誠招各類有趣短片!
家有可愛貓狗,想同更多嘅人分享?
有橋有料,素人想一片成名?
立即寄片嚟: bunfun@on.cc