任劍輝逝世31周年 謝雪心贈白雪仙閃爆口罩

2020年11月29日 17:47
東網電視
更多新聞短片
任劍輝逝世31周年,一眾弟子齊集致祭。
今日是粵劇名伶任劍輝(任姐)逝世31周年,以往弟子們及戲迷都會在任姐生前好拍檔白雪仙(仙姐)的跑馬地寓所,向任劍輝致祭,不過今年由於疫情嚴峻及仙姐年時已高,為安全起見,限制了聚會人數,只有寥寥數人到場,包括陳寶珠及謝雪心等。陳寶珠於下午2時許乘7人車到達,她戴上口罩及眼鏡,精神不俗,落車後匆匆進入寓所,逗留2個半小時才離開,離開時大方應記者要求企定定影相,非常親切。
至於謝雪心亦在2時左右抵達,她表示每逢任姐生忌、死忌、仙姐生日及過年,甚至母親節也會來到探望仙姐,問帶了甚麼禮物?她說:「我哋有花送畀任姐,因為今年疫情,我就帶咗一個有閃石嘅口罩送畀仙姐等佢靚吓開心吓。」問到仙姐身體狀況及會否叮囑她減少外出?謝雪心笑言對方身體比她更好:「佢叻過我哋,我都希望能夠學到佢咁。佢唔會太多出街,咁係啱嘅,多數都係朋友嚟探佢。」她指以往有不少戲迷獲安排到寓所上香憑弔,但因為疫情關係都呼籲他們今年不要來以保障大家健康。
講到工作,謝雪心表示現時以做義工為主,幫助受疫情影響的人,她坦言對粵劇界來說這段時間非常難捱:「凡係現場有觀眾都難捱,因為停演,已經停演接近1年,連神功戲都冇得做,就算之前疫情緩和番可以演出都要限人數,100人只可坐50,你做就蝕,但唔做就冇,所以都好辛苦。(會唔會有咩方法幫業界?)我本身係八和會館,我哋有做網上義唱籌款同埋向政府爭取支援。」