【冇得輸】佘詩曼以絕對領域上陣　去「滾」一「滾」！

女星佘詩曼依家身處喺內地工作，不過佢都好識做，不時喺網上分享生活點滴，等一班粉絲知道佢動向。呢日佢就去咗撐鄭愷開設嘅火鍋店杭州分店場，並擔任開幕嘉賓，吸引大批粉絲圍觀。雖然當日天氣寒冷，不過阿佘依然以短裙上陣晒出絕對領域，之後又同鄭愷齊齊打邊爐，仲飲咗一大杯冰凍可樂，嚟個冰火交融，難怪阿佘都話爽爆!唔少粉絲都話好羨慕阿佘食極都唔肥呀！

藝人王祖藍向來係「愛妻號」，之前為太太李亞男搞咗個驚喜生日會後，呢日佢呢個舉動，又獲網民激讚！日前祖藍喺廈門出席活動後，因擔心太太隨時分娩，決定漏夜趕火車返屋企，更不惜獻出人生第一次喺火車瞓臥鋪過夜，認真偉大。不過最搞笑係祖藍本身好期待有人同佢同房，點知最後冇，佢非常失望。