蔡穎恩31歲生日好童真　閨蜜陳嘉寶陪過13年

藝人蔡穎恩（Evelyn）今日31歲生日，獲好姊妹陳嘉寶及一眾好友為佢慶祝，陳嘉寶於社交網大晒合照及短片，期間見佢哋大玩扑蛋糕，雖然Evelyn又大1歲，但依然童心未泯，全程表現驚喜，相當滿意呢個生日蛋糕。

除咗炮製生日驚喜，陳嘉寶亦不忘送上祝福，佢留言：「剛剛和黃先生感嘆道：『數數手指，我和Evelyn已經過了18年的生日呢...』然後大概過了5分鐘，我才突然驚覺，條數好似唔啱！再數多次手指，來是13年...沒辦法，我倆認識的時候還是腦囟都未生埋，過着過着，感覺好像真的已經和你過了一輩子....看着在眼前的你，還是帶着剛相識時的那種青春和可愛的小任性...生日快樂呀蔡小姐！祝福你繼續青春，繼續快樂做自己的同時，能打破所有的限制、所有的框框，得到你所夢所想的！」