遇猛男唔熟唔摸　姚子羚愛玩張振朗排朱古力

藝人姚子羚擔任節目《流行經典50年》嘉賓，獻唱范曉萱的《雪人》，她說：「上次已經想唱呢首歌，但主題唔啱，呢首歌係登台歌，不過唔多機會唱，因為係有少少傷感嘅聖誕歌。」

現正忙於拍攝新劇《拳王》的姚子羚，之前錄影廠暫停拍攝，現以拍外景為主。問將實行2人禁聚令會否對拍外景有影響？她說：「公司會有安排，有啲外景都會喺公司入面拍，嚟緊會拍兩星期擂台戲，會喺廠入面拍。」

問會否睇大隻仔睇到厭？她說：「唔會，佢哋好畀心機操練。張振朗之前拉高件衫曬太陽，我都有摸佢嗰排朱古力，玩佢嘅腹肌。因為我同朱敏瀚冇咁熟唔敢亂摸，大家都好大隻。（黎耀祥呢？）我唔敢亂篤，因為祥嫂喺度，有一日我問准祥嫂，篤咗祥仔一吓胸肌，係有料到，嚟緊拍攝時，佢哋會再操得大隻啲，我好開心，到時會再摸吓，拍攝擂台戲當日，公司都會安排影相，我會拉住啲猛男合照。」