【試過執二手傢俬】簡淑兒家境好遭拖欠薪金

20201201
東網電視
更多新聞短片
簡淑兒自爆行內遭不公平對待。
有「仙氣女神」之稱的簡淑兒(Jessica)近年有不少演出機會,但大多飾演女兒或學生妹,最近她在劇集《踩過界II》中有突破性演出,首次演專業人士做律師。Jessica開拍前已1年沒有拍劇,要面對新角色,又要融入《踩》劇原班演員,壓力非常大:「監製好擔心我做唔到,我自己都好擔心。不過王浩信、蔡思貝同張振朗好好人,經常會畀意見同鼓勵我,拍咗幾場已經融入到佢哋,覺得好爽。」Jessica事前做足功課:「我有問律師朋友劇中條例嘅意思,明咗內容,個氣勢都唔同啲。」
Jessica當過3年娛樂新聞台主播,當時月入只有數千,要靠家人接濟,首次錄音及拍劇更因壓力太大而灑淚,但倔強的她從沒想過放棄:「條路係自己揀,遇到困難就放棄我會唔甘心,亦同唔到家人交代,所以就算幾辛苦,我爬都要爬完。」幸好她的堅持終有回報,自拍攝《愛.回家》後工作漸見起色,收入更由數千變數萬。
Jessica在現實中被指是富家女,她坦承的確沒有家庭負擔,但強調並非大富大貴:「我都要努力工作賺錢,家人嘅錢唔係我嘅錢。」她曾因家境較優而遭到不公平對待:「我試過比其他人遲出糧,或者買某啲用具,會問我攞番錢。」Jessica自言小時候家庭條件並不好:「我都試過要執二手傢俬用,因為真係買唔起。有捱過所以知道搵錢唔容易,都唔會亂花家人嘅錢。」