為找數頂硬上！Aka克服畏高飛上天嗌到聲沙

組合Super Girls隊長Aka（趙慧珊）配合新歌《Fearless》，接受一些未試過的挑戰，挑戰人生首次的滑翔傘！全副裝備上陣的她做足安全措施，在教練陪同下玩，見她藝高人膽大，在高空中開心晒V！事後她表示是因為粉絲想睇她挑戰滑翔傘而「找數」，但自爆其實有畏高：「去到起飛地方見到啲人玩有啲驚，開始『淆底』，但同時又覺得好amazing，心情極度興奮。」

奶坦言一開頭玩時超級驚：「因為吊住隻腳，天空又高，最驚係玩花式，喺天空360度盤旋，比起玩機動遊戲高1萬倍，又冇軌道，離心力好重，不過都幾得意，好似喺冇遮欄嘅飛機度咁。」她又笑言期間尖叫到聲沙，又凍到不停流鼻水。亦謂要背住8至10公斤的裝備爬上山很難：「孭住咁重爬上去，期間不斷跌，因為重心太重，感覺非常難，但好彩冇整親，只係對腳唔屬於自己咁，因為太攰。」但很開心勇敢踏出起飛的一步，最後挑戰成功，克服畏高！