潮爆！周揚青晒炒價過萬波鞋

大陸網紅周揚青與羅志祥分手後，早前聯同陳偉霆、范丞丞、歐陽娜娜等人合作拍大陸綜藝節目《潮流合伙人》，升呢成為潮流達人。

呢日佢喺社交網大晒鞋櫃，相中可見3面10層高鞋櫃上目測已有近3百對鞋，除咗有高踭鞋之外，亦有靴、及大量波鞋，單單佢手上嗰對波鞋都炒價過萬元港幣，非常誇張。鞋櫃高到上天花板，需要用梯子拎鞋，身穿運動短裙配長外套嘅佢，踩喺梯子上大騷白滑長腿，十分搶眼。