阮經天完成隔離　即公開細12歲胞弟靚樣

台灣男星阮經天（小天）近年進軍大陸發展，憑與內地女星楊冪主演嘅內地劇集《扶搖》，加上外形高大靚仔，成功於內地爆紅。最近佢到上海工作，完成14日隔離後，出關第一時間與弟弟阮經民見面到湯包店用餐，更激罕喺社交網晒出細佬個樣！

相中兩兄弟同樣擺出雙手舉V手勢，雖然阮經天與細佬阮經民相差12歲，但好多網民指二人五官十分相似，十足雙胞胎！有人更大讚阮經民好靚仔，顏值拍得住哥哥，絕對可以入行做明星。