完成第2個療程！李明蔚免疫系統差面部生滿水泡

歌手李明蔚（Sarena）2012年確診患上罕見病鼻咽腺樣囊性癌，雖然病情反覆但佢並冇氣餒，一直積極抗癌，早前就開始第2個療程！尋日佢喺社交網更新情況透露終於完成，並上載咗張面部長滿水泡嘅相，留言：「1星期前面部生蛇，因為免疫系統差所以激發出來！一開始真的很痛，吃過藥後現在好了很多了！現在好好休養，盼望好消息再來！感恩！天氣轉涼了大家要注意身體！繼續努力抗疫??❤️」

而一路都身體力行支持佢嘅馬浚偉，都留言為佢打氣：「面上這些紅印早晚會消退，我卻看到Sarena的面色比之前好多了，皮膚也很好，依然咁靚女??? 肥蔚，繼續堅強地完成療程，祝你早日康復，永遠錫你支持你！」更留下17個錫錫Emoji，盡顯對Sarena嘅愛呀！