廖慧儀缺席東華表演　謝嘉怡：要畀時間佢

應屆落選港姐廖慧儀（Jessica）的前男友Sam日前墮樓身亡，原有份在今晚《歡樂滿東華2020》表演的她已預告缺席。而應屆港姐冠軍謝嘉怡、亞軍陳楨怡、季軍郭柏妍及友誼小姐鄺美璇出席拜神儀式時，提到Jessica，陳楨怡表示：「都有關心佢，冇打畀佢，但有傳短訊畀佢，畀啲空間佢。」問到對方有否回覆其短訊，鄺美璇即搖頭。問到會否擔心對方情緒？謝嘉怡坦言：「都會擔心，呢啲時間好難，要畀時間佢，希望佢OK。」她們直言跟Jessica不算十分熟，但大家有一齊上訓練班：「都係普通上堂同食飯，中間好少見，加上疫情同禁聚令唔會成日出街。（佢少講感情事？）係，主要講工作同講劇本。」

另外，謝嘉怡透露今晚會與郭柏妍表演魔術，郭柏妍稱已練習了一段時間，有信心不會失手：「應該會做到又快又靚。」陳楨怡笑言會在旁為她們打氣。