兩個仔年用過千萬！好爸爸黃一山狂接網大搵錢

疫情令百業蕭條，卻令內地「網大」成為「得益者」，因許多「倉底貨」都因大家留家抗疫而被點擊收看，結果令資金流轉再次投資，有指橫店影城高峰期有二百部影視作品開工，現都保持着過百部影視作品一齊開工，不少香港藝人如黃一山、吳孟達、梁家仁、錢小豪等均食正條水，不停有工開，財源滾滾！

早年已經返內地拍戲的黃一山，於內地的人脈非常之廣，早前更一口氣接下15部網大（網絡大電影），不少人搵到錢就投資，但多年來賺到盆滿缽滿的他卻將賺來的錢放晒兩個仔身上，黃一山謂：「我覺得投資喺小朋友身上喺最值得，因為知識等於財富，好過留錢畀佢哋做『敗家富二代』！」他還戲稱笑言：「無家產咪唔會出現兄弟不和爭產啦。」

黃一山所言非虛，因他的大仔患有罕見病，而細仔則入讀英國知名大學做徐子淇師弟，學費加醫藥費不菲，一年可以花掉一山超過千萬元，但一山覺得很值得，最緊要屋企人齊齊整整，同埋好好教育下一代，一山謂：「其實即係好多人講嘅傳承，希望一代比一代好。」