韓馬利獲頒40年服務獎：最緊要健康

藝人韓馬利今日出席長期服務暨傑出員工榮譽大獎頒獎典禮2020，與曾勵珍獲頒40年服務獎，她感觸時光飛逝轉眼50年：「我剛剛同珍姐（曾勵珍）傾偈嘅時候，大家都話好似去年發生嘅事咁。」但她笑言自己一定不會再有下個40年：「我應該冇咁長命，就算有公司應該都唔會要我，不過50年都仲有機會，最緊要係健康。」

問到會否減少工作，她坦言喜歡工作，但自從去年一場大病，她更體會到健康可貴：「能夠好得番真係好感恩，我都有朋友患過腦膜炎，有啲人係醒唔番，有啲人要人照顧，所以我真係好好彩。我都要思量一下往後日子要去做啲有意義嘅事，我本身信奉基督教，往後會繼續傳福音。」