吳肇軒又再扮學生　張蔓莎做反叛少女

藝人吳肇軒、張蔓莎早前一起拍攝以「校園愛情故事」為題的短片，兩人穿起校服扮學生，都似模似樣，吳肇軒笑指：「雖然我嘅演藝生涯唔長，但已經扮演學生好多次，但每一次都有唔同嘅感覺，尤其今次要表達一個青澀又浪漫嘅校園初戀故事，拍攝期間喺校園穿梭，我都勾起唔少少年時期嘅青春回憶。今次演繹嘅角色係有啲宅男感覺，雖然跟自己唔太相同，但我同佢有個共通點，同樣係一個菲林相機愛好者，好喜歡菲林相嘅質感及溫度。」

張蔓莎亦言：「今次要演繹一個有點傻大姐又帶點反叛嘅女學生，跟自己以前好似，當人長大咗，好多時間都會忘記初戀嗰種令你面紅心跳嘅感覺，而我相信每個女生心目中或多或少都有屬於自己嘅一個初戀故事。」

除了校園短片外，還有一條以「閨密派對」為主題的短片，由香港女子組合Super Girls成員陳穎欣（Yanny）及網絡女神林婷出演，Yanny興奮地說：「拍攝場地好靚，充滿打卡位，當日我同林婷都不停用手機自拍留念。」