絕密半世紀前幼稚園照曝光！周慧敏細細個就表演欲強

「玉女掌門人」周慧敏近日重返母校，為母校70周年校慶接受訪問，大談讀書時期嘅生活，又大晒多張童年舊照，見佢小時候已輪廓深邃，精靈可愛。佢透露自小就甚有表演欲，讀幼稚園時最開心就係可以着上不同服飾演出，而佢更曾獲得衞生獎，認真德才兼備。

佢續指由幼稚園升上原校小學，讀到三年級後曾轉校，直至升中時又重返母校，故與母校淵源甚深。佢又憶述中學時係合唱團女高音，獲獎無數，並同時係籃球隊成員，動靜皆宜。