獻出第1次！容祖兒生吞竹蟲

天后容祖兒（Joey）近日正身在內地工作，佢不時拍片分享生活點滴，日前佢就去到大理，除咗有幸品嘗當地著名嘅菌鍋，更獻出「第1次」，首度挑戰食竹蟲。

片中見向來大膽嘅Joey二話不說，就將竹蟲放入口，但咬咗幾下就開始面露難色，直指味道唔新鮮：「牠不是那種脆脆的。」同行友人笑指下次可以試下新鮮竹蟲，嚇得Joey急急耍手擰頭：「不了不了不了，我喜歡吃不新鮮的。」相當搞笑。佢留言表示：「去大理工作，沒能逃脫『吃蟲子』的現實！人生第一次吃竹蟲的我竟然覺得......不太新鮮，不過也算是跨過心理障礙，挑戰自我啦！」