伴舞跳出彩虹　袁鎮業感謝林峯提攜

由林峯主演的無綫劇集《使徒行者3》，日前播出一集，正好與曾為他演唱會跳舞的新演員袁鎮業（Kelvin）合作。袁鎮業今次可單對單與他口中的「峯師兄」演戲而與有榮與焉。Kelvin受訪時說：「10年前幫林峯演唱會跳舞，到今日可以一齊演戲，其實係佢畀我好大推動力！」

當晚劇情講到呂Sir（袁鎮業飾）的兒子，原來是爆Seed（林峯飾）的親生仔，他倆由原本對立到互相接受，最後在醫院一場戲，更講出真相，這場戲Kelvin珍而重之，他說：「以前我喺後面跳舞，峯師兄已經對我好好，到我讀訓練班，佢都好肯了解我點解入行，之後合作演出，峯師兄又教我演戲，仲喺監製面前讚我，真係好暖心，今次《使徒3》監製好肯畀機會，真係好感恩！」