相隔11年再重着？《M Club》陳嘉寶王敏奕翻兜鄧麗欣件泳衣

2014年嘅無綫劇《女人俱樂部》（《M Club》）最近喺午夜重播，又掀起一翻追劇潮，當中嘅青春少女點滴真係令人睇到回憶返晒嚟！其中一集，講到一班女仔陳嘉寶、吳嘉熙、王敏奕、糖妹、賴慰玲及吳燕菁喺泳池度戲水，雖然佢哋都係着一件頭，但都成功引起網民注意，究竟有咩睇頭？

原來佢哋件泳衣竟然同2003年《戀愛自由式》中，鄧麗欣（Stephy）、唐寧及陳文媛等所穿嘅係一樣！

無綫不時被發現重用戲服，當中最多嘅係古裝，80年代着到近代都有，有網民表示估唔到連泳衣都Keep得咁好，相隔11年都完好無缺，竟然可以重現幕前，又笑言好彩一班女演員身材都咁Fit，大隻少少都着唔落呀！