菊梓喬激罕性感上下齊露 密實JW輸晒

20201212
東網電視
更多新聞短片
其實又真係唔算好性感嘅!
歌手菊梓喬(Hana)及同公司的JW(王灝兒),到將軍澳電視城出席《2020勁歌金曲優秀選第二回》錄影,Hana奪2獎,JW奪1獎。Hana微露線頭及大腿,問到為何如此性感?她笑言:「係咩?都係第1次見自己着咁短,因為stylist幫我親手做呢件衫,覺得好靚。(打開性感路線? )其實都唔係咁性感,我覺得性感永遠同我冇乜關係,之前試過着啲好性感嘅衫,但大家唔覺,今日好開心大家覺得我性感。」
講到身穿密實西裝套裝的JW似乎較為輸蝕,她表示:「今日着得colourful啲,我冇特別想性唔性感,着衫係視乎場合。」講到她將開拍新劇《欺詐劇團》,首次拍劇的她表示很緊張:「今日記招見到其他演員,都有問佢哋意見,我飾演企業家,其中會同林德信有感情線,但就冇親熱戲。(套劇尺度大?)想法係幾大,都幾搞笑,好彩我識林德信,所以都冇咁緊張。」
Hana亦透露想再拍劇:「自從拍完《刑偵日記》之後好似上咗癮咁,我好鍾意開劇日夜癲倒嘅生活,因為我想不停做嘢,唔想瞓覺,反正我又瞓唔到覺。」
問到兩女豈不是會爭攞今年「最受歡迎女歌星」? JW即讓賽:「我今年好少作品,我真係完全冇諗獎項,我今年又大改變,focus自己進步,多啲嘗試。」連奪兩屆女歌星獎的Hana就表示平常心,拿過已很開心,記者打趣頒兩個女歌星獎咪得?她只謂:「所有嘢都係bonus,今年出咗碟已滿足。」另外,問到JW舊愛Mark被爆曾傷人坐監,她落閘避談:「我哋已經好耐冇聯絡,所以唔清楚。」