為音樂付出一切！梁安琪0收入硬頂租金人工

音樂人梁安琪為線上音樂會揭幕，邀得歌手何展睿做嘉賓、以前亞視拍檔馮家俊做主持。她透露今次本身會招待觀眾，但現時變了Online show，問到沒有觀眾可是很可惜？她坦言：「可惜，但呢個係全球問題，要接受、面對，惟有叫世界各地親戚捧場，又叫家務助理發散叫佢哋啲菲律賓同鄉一齊睇。」講到昔日拍檔馮家俊，她笑言：「6年前我開咗呢間音樂中心，佢成日問我有冇困難，問我幾時執。」

馮家俊即笑言：「我唔係問佢幾時執，2014年嗰陣香港都唔係依家咁，依家band house執咗大半，所以我覺得佢真係好強，咁都撐得住。」梁安琪透露現時0收入，但又要交水電、人工及5位數字的租，但希望告訴大家香港仍有用心的音樂人，自己惟有調配資源，以前會買衫買手袋，現時就把錢放在做音樂上，亦希望明年3月的香港巡迴演唱會能搞得成。何展睿就大讚梁安琪有心，今次揭幕騷都特地邀他作首主題曲，事前亦聽了對方高低起跌的人生經歷。