難得飛南京　高海寧爭取時間同婆婆見面

藝人高海寧自小喺南京長大，更由婆婆一手湊大，所以無論佢工作幾忙都好，都會爭取返家鄉享天倫樂。難得近日佢身在內地工作，故即爭取時間同婆婆見面，更上載至社交網同網友分享！

片中見佢笑到勁開心，成個小朋友咁，皆因有婆婆親自煮嘅麵，而婆婆亦難掩興奮，指希望佢成日嚟探自己：「為了我孫女常來常往，來看婆婆，哈哈哈哈，婆婆開心。」唔少網友大讚二人感情要好，非常難得！