熊黛林爆當年主動追郭可頌　第1次Dating食檸檬

名模熊黛林（Lynn）2016年下嫁圈外男友郭可頌，婚後誕下一對孖女Kaylor和Lyvia，近年佢積極收身維持名模巔峰狀態，令網友狂讚一樣索！已全面復出嘅佢，早前上大陸綜藝節目時就自爆同老公郭可頌嘅相識過程，自己主動追對方之餘，第1次Dating更加食檸檬！

Lynn透露自己同郭可頌嘅三家姐郭可思相識多年，咁啱一次聚會上另一位好友就想撮合Lynn同郭可頌，更加安排飯局，而Lynn對郭可頌第1印象都好好，狂讚對方有禮貌又孝順，所以佢主動出擊：「我跟他說『過兩天一起出來去酒吧吧，我朋友開的。』他就說『唉呀！那天我不行』」食晒檸檬…

之後Lynn再主動約對方食飯，但郭可頌一開始怕醜唔敢回應，直至Lynn托朋友表達心意：「你跟他說不用怕來吧，上吧，放馬過來吧！」最後兩人互表心意，依家先可以一齊組織一個咁Warm嘅屋企咋。