初戀無厘頭變孫儷 37歲男星屈爆:係普通戰友…

20201213
東網電視
更多新聞短片
普通戰友…都可以傳到咁!
大陸女星孫儷同老公鄧超恩愛多年,一對仔女又Cute爆得人Like,孫儷亦鮮有花邊新聞,不過大陸日前竟瘋傳男星錢楓嘅初戀女友原來係孫儷,仲委屈到錢楓多次公開澄清都冇人信,搞到佢爆Seed表示孫儷只係佢一個「普通戰友」…
網上不時傳出現年37歲嘅大陸男星錢楓同大佢1歲嘅孫儷曾經係一對,兩人喺文工團結緣,戀情維持3年,更有傳兩人戀情最後無疾而終嘅原因,係錢楓媽咪希望阿仔專心發展事業,加上唔接受姊弟戀,最後兩人分手。
不過傳還傳,錢楓其實曾在節目上回應初戀是孫儷一事:「這新聞一出來,我就覺得莫名其妙,因為孫儷就是我的一個普通戰友。」錢楓更進一步表示,佢已經多次喺媒體採訪、社交網等各管道都澄清過,強調佢同孫儷只係普通戰友,無奈新聞總係不時拎出嚟炒:「我是害怕對她的家庭造成困擾…」